ਬੇਕਾਬੂ ਪਿਸ਼ਾਬ ਦੀ ਸਮੱਸਿਆ ਨੂੰ ਨਜ਼ਰਅੰਦਾਜ਼ ਨਾ ਕਰੋ, ਸਮੇਂ ਸਿਰ ਯੂਰੋਲੋਜਿਸਟ ਦੀ ਸਲਾਹ ਲੈਣਾ ਜ਼ਰੂਰੀ : ਡਾ. ਚਿਰੰਜੀਤ ਸਿੰਘ ਖੁਰਾਣਾ

ਜੇ.ਜੇ. ਟਰੌਮਾ ਸੈਂਟਰ ਅਤੇ ਥਿੰਦ ਹਸਪਤਾਲ, ਕਪੂਰਥਲਾ ਵਿਖੇ ਯੂਰੋਲੋਜੀ ਦੀਆਂ ਆਧੁਨਿਕ ਸੇਵਾਵਾਂ ਉਪਲਬਧ

ਹਰ ਐਤਵਾਰ ਸਵੇਰੇ 11 ਤੋਂ ਦੁਪਹਿਰ 1 ਵਜੇ ਤੱਕ ਮਰੀਜ਼ਾਂ ਦੀ ਜਾਂਚ ਅਤੇ ਸਲਾਹ-ਮਸ਼ਵਰਾ

ਕਪੂਰਥਲਾ 29 ਅਕਤੂਬਰ ਗੌਰਵ ਮੜੀਆ 

ਪਿਸ਼ਾਬ ਸਬੰਧੀ ਸਮੱਸਿਆਵਾਂ ਅੱਜਕੱਲ੍ਹ ਕਈ ਲੋਕਾਂ ਲਈ ਚਿੰਤਾ ਦਾ ਕਾਰਨ ਬਣ ਰਹੀਆਂ ਹਨ। ਇਨ੍ਹਾਂ ਵਿੱਚੋਂ ਬੇਕਾਬੂ ਪਿਸ਼ਾਬ ਆਉਣਾ ਇੱਕ ਅਜਿਹੀ ਸਮੱਸਿਆ ਹੈ, ਜਿਸ ਕਾਰਨ ਮਰੀਜ਼ ਨੂੰ ਸਰੀਰਕ ਪ੍ਰੇਸ਼ਾਨੀ ਦੇ ਨਾਲ-ਨਾਲ ਮਾਨਸਿਕ ਤਣਾਅ ਅਤੇ ਸਮਾਜਿਕ ਅਸਹਿਜਤਾ ਦਾ ਵੀ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਕਈ ਲੋਕ ਇਸ ਸਮੱਸਿਆ ਨੂੰ ਉਮਰ ਦਾ ਅਸਰ ਸਮਝ ਕੇ ਜਾਂ ਝਿਜਕ ਕਾਰਨ ਲੁਕਾਉਂਦੇ ਰਹਿੰਦੇ ਹਨ, ਜਦਕਿ ਸਮੇਂ ਸਿਰ ਡਾਕਟਰੀ ਜਾਂਚ ਅਤੇ ਸਹੀ ਇਲਾਜ ਨਾਲ ਇਸ ਨੂੰ ਕਾਬੂ ਕਰਨ ਵਿੱਚ ਮਦਦ ਮਿਲ ਸਕਦੀ ਹੈ।

ਇਸ ਸਬੰਧੀ ਜੇ.ਜੇ. ਟਰੌਮਾ ਸੈਂਟਰ ਅਤੇ ਥਿੰਦ ਹਸਪਤਾਲ, ਪੀਰ ਚੌਧਰੀ ਰੋਡ, ਕਪੂਰਥਲਾ ਵਿਖੇ ਯੂਰੋਲੋਜੀ ਵਿਭਾਗ ਦੀਆਂ ਵਿਸ਼ੇਸ਼ ਸੇਵਾਵਾਂ ਉਪਲਬਧ ਹਨ। ਇੱਥੇ ਯੂਰੋਲੋਜਿਸਟ ਡਾ. ਚਿਰੰਜੀਤ ਸਿੰਘ ਖੁਰਾਣਾ (MS, DNB, MCh – ਯੂਰੋਲੋਜੀ, ਐਂਡਰੋਲੋਜੀ ਅਤੇ ਰੀਨਲ ਟ੍ਰਾਂਸਪਲਾਂਟ) ਵੱਲੋਂ ਪਿਸ਼ਾਬ ਪ੍ਰਣਾਲੀ, ਗੁਰਦਿਆਂ ਅਤੇ ਪੁਰਸ਼ਾਂ ਦੀ ਪ੍ਰਜਨਨ ਸਿਹਤ ਨਾਲ ਜੁੜੀਆਂ ਸਮੱਸਿਆਵਾਂ ਦੀ ਜਾਂਚ ਅਤੇ ਇਲਾਜ ਲਈ ਸੇਵਾਵਾਂ ਦਿੱਤੀਆਂ ਜਾਂਦੀਆਂ ਹਨ।

ਬੇਕਾਬੂ  ਪਿਸ਼ਾਬ ਆਉਣ ਦੀ ਸਮੱਸਿਆ ਵਿੱਚ ਮਰੀਜ਼ ਨੂੰ ਵਾਰ-ਵਾਰ ਪਿਸ਼ਾਬ ਆਉਣਾ, ਅਚਾਨਕ ਤੇਜ਼ ਹਾਜ਼ਤ ਮਹਿਸੂਸ ਹੋਣਾ, ਸਮੇਂ ਸਿਰ ਪਖਾਨੇ ਜਾਂ ਬਾਥਰੂਮ ਤੱਕ ਨਾ ਪਹੁੰਚ ਸਕਣਾ ਜਾਂ ਖੰਘਣ, ਛਿੱਕਣ ਅਤੇ ਹੱਸਣ ਸਮੇਂ ਪਿਸ਼ਾਬ ਦੀਆਂ ਬੂੰਦਾਂ ਨਿਕਲਣ ਵਰਗੀਆਂ ਪ੍ਰੇਸ਼ਾਨੀਆਂ ਹੋ ਸਕਦੀਆਂ ਹਨ। ਇਸ ਦੇ ਪਿੱਛੇ ਬਲੈਡਰ ਦੀ ਕਾਰਗੁਜ਼ਾਰੀ ਵਿੱਚ ਗੜਬੜ, ਪਿਸ਼ਾਬ ਦੀ ਲਾਗ, ਪ੍ਰੋਸਟੇਟ ਦੀ ਸਮੱਸਿਆ, ਸ਼ੂਗਰ ਜਾਂ ਹੋਰ ਸਿਹਤ ਸਬੰਧੀ ਕਾਰਨ ਹੋ ਸਕਦੇ ਹਨ। ਇਸ ਲਈ ਬਿਨਾਂ ਜਾਂਚ ਆਪਣੇ ਆਪ ਦਵਾਈ ਲੈਣ ਦੀ ਬਜਾਏ ਮਾਹਿਰ ਡਾਕਟਰ ਦੀ ਸਲਾਹ ਲੈਣੀ ਚਾਹੀਦੀ ਹੈ।

ਡਾ. ਚਿਰੰਜੀਤ ਸਿੰਘ ਖੁਰਾਣਾ ਦੀ ਯੂਰੋਲੋਜੀ ਸੇਵਾਵਾਂ ਵਿੱਚ ਗੁਰਦੇ, ਯੂਰੇਟਰ ਅਤੇ ਬਲੈਡਰ ਦੀ ਪੱਥਰੀ ਦਾ ਲੇਜ਼ਰ ਰਾਹੀਂ ਇਲਾਜ, ਪ੍ਰੋਸਟੇਟ ਦੀਆਂ ਬਿਮਾਰੀਆਂ ਦਾ ਇਲਾਜ, ਪਿਸ਼ਾਬ ਦੀ ਲਾਗ (UTI), ਬੇਕਾਬੂ ਪਿਸ਼ਾਬ ਦੀ ਸਮੱਸਿਆ, ਪਿਸ਼ਾਬ ਵਿੱਚ ਖੂਨ ਆਉਣਾ, ਬਲੈਡਰ ਅਤੇ ਪ੍ਰੋਸਟੇਟ ਦੇ ਟਿਊਮਰਾਂ ਦਾ ਇਲਾਜ, ਡਾਇਲਿਸਿਸ ਲਈ ਏ.ਵੀ. ਫਿਸਟੂਲਾ ਸਰਜਰੀ, ਪੁਰਸ਼ਾਂ ਵਿੱਚ ਬਾਂਝਪਨ, ਇਰੇਕਟਾਈਲ ਡਿਸਫੰਕਸ਼ਨ ਅਤੇ ਜਲਦੀ ਪਤਨ ਵਰਗੀਆਂ ਸਮੱਸਿਆਵਾਂ ਦੀ ਜਾਂਚ ਅਤੇ ਇਲਾਜ ਸ਼ਾਮਲ ਹਨ। ਗੁਰਦਾ ਟ੍ਰਾਂਸਪਲਾਂਟ ਸਬੰਧੀ ਸੇਵਾਵਾਂ ਅਤੇ ਸਲਾਹ ਵੀ ਉਨ੍ਹਾਂ ਦੀ ਵਿਸ਼ੇਸ਼ਤਾ ਦੇ ਖੇਤਰਾਂ ਵਿੱਚ ਸ਼ਾਮਲ ਹਨ।

ਮਾਹਿਰਾਂ ਅਨੁਸਾਰ, ਪਿਸ਼ਾਬ ਦੀਆਂ ਸਮੱਸਿਆਵਾਂ ਨੂੰ ਲੰਮੇ ਸਮੇਂ ਤੱਕ ਅਣਡਿੱਠਾ ਕਰਨਾ ਠੀਕ ਨਹੀਂ ਹੈ। ਜੇਕਰ ਕਿਸੇ ਵਿਅਕਤੀ ਨੂੰ ਪਿਸ਼ਾਬ ਉੱਤੇ ਕਾਬੂ ਰੱਖਣ ਵਿੱਚ ਮੁਸ਼ਕਲ ਆਉਂਦੀ ਹੈ, ਰਾਤ ਨੂੰ ਵਾਰ-ਵਾਰ ਉੱਠਣਾ ਪੈਂਦਾ ਹੈ ਜਾਂ ਪਿਸ਼ਾਬ ਕਰਨ ਸਮੇਂ ਦਰਦ, ਜਲਣ ਜਾਂ ਖੂਨ ਆਉਣ ਦੀ ਸ਼ਿਕਾਇਤ ਹੁੰਦੀ ਹੈ, ਤਾਂ ਡਾਕਟਰੀ ਜਾਂਚ ਕਰਵਾਉਣੀ ਚਾਹੀਦੀ ਹੈ। ਖ਼ਾਸ ਕਰਕੇ ਜੇ ਪਿਸ਼ਾਬ ਬਿਲਕੁਲ ਬੰਦ ਹੋ ਜਾਵੇ ਜਾਂ ਪਿਸ਼ਾਬ ਵਿੱਚ ਖੂਨ ਦੇ ਨਾਲ ਗੰਭੀਰ ਦਰਦ ਹੋਵੇ, ਤਾਂ ਤੁਰੰਤ ਡਾਕਟਰੀ ਸਹਾਇਤਾ ਲੈਣੀ ਜ਼ਰੂਰੀ ਹੈ।