ਵਿਸਾਖੀ ਮਗਰੋਂ ਭਾਰਤੀ ਸਿੱਖ ਯਾਤਰੀ ਪਾਕਿਸਤਾਨ ਤੋਂ ਵਾਪਸ, ਅਮਨ ਤੇ ਭਰਾਤਰੀ ਦਾ ਸੰਦੇਸ਼ ਨਾਲ ਲੈ ਗਏ

ਲਾਹੌਰ, 19 ਅਪ੍ਰੈਲ 2026 ਅਲੀ ਇਮਰਾਨ ਚੱਠਾ 

ਵਿਸਾਖੀ ਮੌਕੇ ਪਾਕਿਸਤਾਨ ਆਏ 2200 ਤੋਂ ਵੱਧ ਭਾਰਤੀ ਸਿੱਖ ਯਾਤਰੀ ਅੱਜ ਵਾਘਾ ਬਾਰਡਰ ਰਾਹੀਂ ਭਾਰਤ ਵਾਪਸ ਚਲੇ ਗਏ। ਉਹ ਆਪਣੇ ਨਾਲ ਅਮਨ, ਪਿਆਰ ਅਤੇ ਭਰਾਤਰੀ ਦਾ ਸੰਦੇਸ਼ ਲੈ ਕੇ ਗਏ।
ਯਾਤਰੀਆਂ ਨੇ ਆਪਣੇ ਦੌਰੇ ਦੌਰਾਨ ਪਾਕਿਸਤਾਨ ਸਰਕਾਰ, ਏਵਾਕਯੂਈ ਟਰਸਟ ਪ੍ਰਾਪਰਟੀ ਬੋਰਡ (ETPB) ਅਤੇ ਪ੍ਰਸ਼ਾਸਨ ਵੱਲੋਂ ਕੀਤੀਆਂ ਗਈਆਂ ਬਿਹਤਰੀਨ ਤਿਆਰੀਆਂ ਦੀ ਖੁੱਲ੍ਹ ਕੇ ਤਾਰੀਫ਼ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇੱਥੇ ਪੂਰਾ ਸਨਮਾਨ, ਸੁਰੱਖਿਆ ਅਤੇ ਧਾਰਮਿਕ ਆਜ਼ਾਦੀ ਮਿਲੀ।

ਵਾਘਾ ਬਾਰਡਰ ‘ਤੇ ਵਿਦਾਈ ਸਮੇਂ ਭਾਵੁਕ ਦ੍ਰਿਸ਼ ਵੇਖਣ ਨੂੰ ਮਿਲੇ, ਜਿੱਥੇ ਕਈ ਯਾਤਰੀ ਅੱਖਾਂ ਵਿੱਚ ਅੰਸੂ ਲੈ ਕੇ ਰੁਖਸਤ ਹੋਏ। ਇਸ ਮੌਕੇ ‘ਤੇ ਸੂਬਾਈ ਮੰਤਰੀ ਰਮੇਸ਼ ਸਿੰਘ ਅਰੋੜਾ, ETPB ਦੇ ਚੇਅਰਮੈਨ ਕ਼ਮਰ-ਉਜ਼-ਜ਼ਮਾਨ ਅਤੇ ਹੋਰ ਅਧਿਕਾਰੀ ਮੌਜੂਦ ਸਨ।
ਜੱਥਾ ਮੁਖੀ ਸਰਦਾਰ ਹਰਜੀਤ ਸਿੰਘ ਨੇ ਇਸ ਯਾਤਰਾ ਨੂੰ “ਅਭੂਤਪੂਰਵ” ਦੱਸਿਆ, ਜਦਕਿ ਹੋਰ ਯਾਤਰੀਆਂ ਨੇ ਪਾਕਿਸਤਾਨ ਨੂੰ ਧਾਰਮਿਕ ਸਾਂਝ ਦਾ ਮਾਡਲ ਕਰਾਰ ਦਿੱਤਾ।
ETPB ਦੇ ਚੇਅਰਮੈਨ ਨੇ ਕਿਹਾ ਕਿ ਘੱਟ ਗਿਣਤੀ ਭਾਈਚਾਰੇ ਦੀ ਸੇਵਾ ਕਰਨਾ ਸਾਡੀ ਜ਼ਿੰਮੇਵਾਰੀ ਹੈ। ਰਮੇਸ਼ ਸਿੰਘ ਅਰੋੜਾ ਨੇ ਕਰਤਾਰਪੁਰ ਕਰੀਡੋਰ ਖੋਲ੍ਹਣ ਦੀ ਅਪੀਲ ਵੀ ਕੀਤੀ।
ਯਾਤਰੀਆਂ ਨੇ ਕਿਹਾ ਕਿ ਉਹ ਪਾਕਿਸਤਾਨ ਤੋਂ ਮਿਲੇ ਪਿਆਰ ਅਤੇ ਸਤਿਕਾਰ ਦਾ ਸੰਦੇਸ਼ ਦੁਨੀਆ ਭਰ ਵਿੱਚ ਫੈਲਾਉਣਗੇ।