ਮੌਜੂਦਾਾ ਪੰਥਕ ਸੰਕਟ ਦੇ ਹੱਲ ਲਈ ਜਥੇਦਾਰ ਰਘਬੀਰ ਸਿੰਘ ਸਰਬੱਤ ਖਾਲਸਾ ਸੱਦਣ -ਪੰਥਕ ਜਥੇਬੰਦੀਆਂ

ਮੌਜੂਦਾਾ ਪੰਥਕ ਸੰਕਟ ਦੇ ਹੱਲ ਲਈ ਜਥੇਦਾਰ ਰਘਬੀਰ ਸਿੰਘ ਸਰਬੱਤ ਖਾਲਸਾ ਸੱਦਣ -ਪੰਥਕ ਜਥੇਬੰਦੀਆਂ

ਅੰਮ੍ਰਿਤਸਰ 18 ਫਰਵਰੀ, ਨਜ਼ਰਾਨਾ ਟਾਾਈਮਜ ਬਿਊਰੋ

ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਦੀ ਬਰਤਰਫੀ ਤੋਂ ਉਪਰੰਤ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਦੇ ਅਸਤੀਫ਼ੇ ਤੋਂ ਉਪਰੰਤ ਪੰਥਕ ਸੰਕਟ ਹੋਰ ਗਹਿਰਾ ਹੋ ਗਿਆ ਹੈ । ਇਸ ਦੌਰਾਨ ਉੱਘੇ ਸਿੱਖ ਵਿਦਵਾਨ,ਪੰਥਕ ਜਥੇਬੰਦੀਆਂ ਦੇ ਆਗੂਆਂ ਅਤੇ ਸਿੱਖ ਚਿੰਤਕਾਂਹਰਜਿੰਦਰ ਸਿੰਘ ਮਾਝੀ ਮੁੱਖ ਸੇਵਾਦਾਰ ਦਰਬਾਰ ਏ ਖ਼ਾਲਸਾ ਜਥੇਬੰਦੀ ,ਮੇਜਰ ਸਿੰਘ ਪ੍ਰਧਾਨ ਇੰਟਰਨੈਸ਼ਨਲ ਸਿੱਖ ਫੈਡਰੇਸ਼ਨ ,ਤਜਿੰਦਰ ਸਿੰਘ ਪੰਨੂ ਯੂਥ ਅਕਾਲੀ ਦਲ 1920ਸ ਪਰਮਪਾਲ ਸਿੰਘ ਸਭਰਾ , ਸੁਖਦੇਵ ਸਿੰਘ ਫਗਵਾੜਾ ਅਲਾਇੰਸ ਆਫ਼ ਸਿੱਖ ਆਰਗੇਨਾਈਜੇਸ਼ਨਜ਼ ,ਅਜੈਪਾਲ ਸਿੰਘ ਬਰਾੜ ਮਿਸਲ ਸਤਲੁਜ, ਸਿੱਖ ਚਿੰਤਕ ਪ੍ਰੋਫੈਸਰ ਬਲਵਿੰਦਰ ਪਾਲ ਸਿੰਘ ਨੇ ਕਿਹਾ ਕਿ ਜਥੇਦਾਰ ਰਘਬੀਰ ਸਿੰਘ ਤੇ ਜਥੇਦਾਰ ਸੁਲਤਾਨ ਸਿੰਘ ਕੇਸਗੜ੍ਹ ਸਾਹਿਬ ਨੂੰ ਅਪੀਲ ਕੀਤੀ ਕਿ ਉਹ ਬਾਦਲਾਂ ਦੇ ਦਬਾਅ ਹੇਠ ਅਸਤੀਫਾ ਦੇਣ ਦੀ ਥਾਂ ਦਬਾਅ ਵਿਚੋਂ ਨਿਕਲਣ ਲਈ ਅਕਾਲ ਤਖਤ ਸਾਹਿਬ ਸਰਬਤ ਖਾਲਸਾ ਨੁਮਾਇੰਦਾ ਪੰਥਕ ਇਕਠ ਵਜੋਂ ਸਦਣ ਤੇ ਬਾਦਲਕਿਆਂ ਉਪਰ ਪੰਥਕ ਸਿਧਾਂਤਾਂ ਅਨੁਸਾਰ ਕਾਰਵਾਈ ਕਰਨ ਜੋ ਗੁਰੂ ਸਾਹਿਬ ਨੇ ਰਾਮਰਾਈਆਂ ਖਿਲਾਫ ਕੀਤੀ ਸੀ।ਇਸ ਤੋਂ ਇਲਾਵਾ ਅਕਾਲ ਤਖਤ ਨੂੰ ਬੇਨਤੀ ਹੈ ਕਿ ਹੁਕਮਨਾਮੇ ਅਨੁਸਾਰ ਭਰਤੀ ਦਾ ਦੌਰ ਸ਼ੁਰੂ ਕੀਤਾ ਜਾਵੇ।

ਮੌਜੂਦਾ ਸੰਕਟ ਦਾ ਜਿਕਰ ਕਰਦਿਆਂ ਕਿਹਾ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਧਾਮੀ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇਕੇ ਪੰਥਕ ਹੁਕਮਨਾਮੇ ਤੋਂ ਭਗੌੜਾ ਹੋਕੇ ਖਾਲਸਾ ਪੰਥ ਨੂੰ ਬੇਦਾਵਾ ਦੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਦੋ ਦਸੰਬਰ ਤੋ ਲੈਕੇ ਹੁਣ ਤਕ ਸ੍ਰੋਮਣੀ ਕਮੇਟੀ ਦਾ ਪ੍ਰਧਾਨ ਹੁਕਮਨਾਮੇ ਨੂੰ ਨਿਭਾਉਣ ਦੀ ਥਾਂ, ਭਰਤੀ ਕਮੇਟੀ ਦੀ ਮੀਟਿੰਗ ਦੀ ਥਾਂ ਅਜੋਕੇ ਕੌਰਵਾਂ ਬਾਦਲ ਤੇ ਬਾਦਲ ਪਰਿਵਾਰ ਦੇ ਹਕ ਵਿਚ ਖਲਨਾਇਕ ਮਾਮਾ ਸ਼ੁਕਨੀ ਵਾਲੀ ਭੂਮਿਕਾ ਨਿਭਾਉਂਦਾ ਰਿਹਾ ਹੈ ।ਉਨ੍ਹਾਂ ਕਿਹਾ ਕਿ ਧਾਮੀ ਨੂੰ ਅਸਤੀਫਾ ਉਸ ਸਮੇਂ ਦੇਣਾ ਚਾਹੀਦਾ ਸੀ ਜਦੋਂ ਕਿ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਸਿੰਘ ਨੇ ਅੰਤ੍ਰਿੰਗ ਕਮੇਟੀ ਵੱਲੋਂ ਖਾਰਜ ਕੀਤਾ ਗਿਆ ਸੀ।ਪਰ ਧਾਮੀ ਨੇ ਪੰਥਕ ਜ਼ਿੰਮੇਵਾਰੀ ਨਿਭਾਉਣ ਦੀ ਥਾਂ ਅਕਾਲ ਤਖਤ ਸਾਹਿਬ ਦਾ ਅਪਮਾਨ ਕੀਤਾ ਹੈ। ਹਾਲਾਂਕਿ ਜਥੇਦਾਰ ਅਕਾਲ ਤਖਤ ਨੇ ਰੋਕਿਆ ਸੀ ਕਿ ਇਹ ਸ੍ਰੋਮਣੀ ਕਮੇਟੀ ਦਾ ਅਧਿਕਾਰ ਨਹੀਂ ,ਜਥੇਦਾਰ ਗਿਆਨੀ ਹਰਪ੍ਰੀਤ ਬਾਰੇ ਜਾਂਚ ਕਮੇਟੀ ਬਣਾਏ।ਇਹ ਅਧਿਕਾਰ ਖੇਤਰ ਅਕਾਲ ਤਖਤ ਦਾ ਹੈ। ਉਨ੍ਹਾਂ ਕਿਹਾ ਕਿ ਧਾਮੀ ਉਹ ਸਖਸ਼ ਹੈ ਜਿਸਨੇ ਭਰਤੀ ਕਮੇਟੀ ਤੇ ਅਕਾਲ ਤਖਤ ਦੇ ਹੁਕਮਨਾਮੇ ਦੀ ਪਾਲਣਾ ਨਹੀਂ ਹੋਣ ਦਿਤੀ ਤੇ ਗੁਨਾਹਗਾਰ ਲੀਡਰਸ਼ਿਪ ਬਾਦਲ ਦਲ ਦੀ ਕਠਪੁਤਲੀ ਵਜੋਂ ਵਿਚਰਦੇ ਰਹੇ।ਹੁਣ ਵੀ ਉਸਨੇ ਅਸਤੀਫਾ ਦੇਕੇ ਅਕਾਲ ਤਖਤ ਦੀ ਕਾਰਵਾਈ ਵਿਚ ਅੜਿਕਾ ਪਾਇਆ ਹੈ।ਉਨ੍ਹਾਂ ਕਿਹਾ ਕਿ ਐਡਵੋਕੇਟ ਧਾਮੀ ਨੂੰ ਪੰਥ ਵਲੋਂ ਗਿਆਨੀ ਗੁਰਬਚਨ ਸਿੰਘ ਦੇ ਅਵਾਰਡ ਨਾਲ ਸਨਮਾਨਿਤ ਕਰਨਾ ਚਾਹੀਦਾ ਹੈ।

ਪੰਥਕ ਆਗੂਆਂ ਨੇ ਸਮੂਹ ਪੰਥ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਪੰਥ ਵਿਚ ਇਕ ਗਲ ਸਿਧ ਹੋ ਗਈ ਗੁਰੂ ਪੰਥ ਨੂੰ ਆਪਣੀ ਰਾਜਨੀਤੀ ਗੁਰੂ ਦੇ ਆਦਰਸ਼ਾਂ ਉਪਰ ਸਿਰਜਣੀ ਪੈਣੀ ਹੈ ਨਹੀਂ ਤਾਂ ਬਾਦਲ ,ਧਾਮੀ, ਦਲਜੀਤ ਚੀਮੇ , ਹਰਚਰਨ ਬੈਂਸ ਵਰਗੇ ਕਲੰਕਿਤ ਅਵਤਾਰ ਧਾਰਨ ਕਰਦੇ ਰਹਿਣਗੇ ਤੇ ਸਿਖ ਪੰਥ ਖੁਆਰ ਹੁੰਦਾ ਰਹੇਗਾ।ਅਕਾਲੀ ਦਲ ਪੰਥਕ ਸੰਗਠਨ ਬਣਾਉਣ ਦੀ ਲੋੜ ਹੈ, ਸਤਾ ਦੀ ਲਾਲਸਾ ਲਈ ਨਹੀਂ।ਸਤਾ ਲਈ ਸਾਡਾ ਰਾਜਨੀਤਕ ਵਿੰਗ ਪੰਥਕ ਸੰਗਠਨ ਵਿਚੋਂ ਪੈਦਾ ਹੋਵੇ।ਗਰੀਬ ਸਿਖਾਂ ,ਕਿਰਤੀਆਂ,ਦਲਿਤਾਂ ਦੇ ਸੰਗੀ ਸਾਥੀ ਬਣਿਆ ਜਾਵੇ।ਪੰਜਾਬ ਤੇ ਮਨੁੱਖਤਾ ਦੀ ਜ਼ਿੰਮੇਵਾਰੀ ਸੰਭਾਲੀ ਜਾਵੇ ਤੇ ਪੰਥਕ ਪਰੰਪਰਾਵਾਂ ਉਪਰ ਪਹਿਰਾ ਦਿਤਾ ਜਾਵੇ।ਆਪਣੇ ਪੁਰਖਿਆਂ ਦੇ ਸੰਗਠਨ ਅਕਾਲੀ ਦਲ ਦਾ ਪੰਥਕ ਨਿਰਮਾਣ ਕੀਤਾ ਜਾਵੇ।