ਗਰਮੀ ਦੀਆਂ ਛੁੱਟੀਆਂ ਤੋਂ ਪਹਿਲਾਂ ਭਾਰਤੀਆਂ ਲਈ Good News ! ਫ੍ਰੀ On Arrival Visa ਦੇ ਰਿਹੈ ਇਹ ਦੇਸ਼

ਇੰਟਰਨੈਸ਼ਨਲ ਡੈਸਕ- ਇਸ ਸਮੇਂ ਜਦੋਂ ਪੂਰੇ ਭਾਰਤ 'ਚ ਗਰਮੀ ਕਹਿਰ ਢਾਹ ਰਹੀ ਹੈ ਤਾਂ ਗਰਮੀ ਦੀਆਂ ਛੁੱਟੀਆਂ ਤੋਂ ਪਹਿਲਾਂ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਸ਼੍ਰੀਲੰਕਾ ਸਰਕਾਰ ਨੇ ਸੋਮਵਾਰ ਨੂੰ ਐਲਾਨ ਕੀਤਾ ਕਿ 40 ਦੇਸ਼ਾਂ ਦੇ ਜਿਨ੍ਹਾਂ ਯਾਤਰੀਆਂ ਨੂੰ 30 ਦਿਨਾਂ ਲਈ ਵੈਲਿਡ ਮੁਫ਼ਤ ਵੀਜ਼ਾ ਆਨ ਅਰਾਈਵਲ ਦਿੱਤਾ ਜਾਵੇਗਾ, ਉਨ੍ਹਾਂ 'ਚ ਭਾਰਤੀ ਸੈਲਾਨੀ ਵੀ ਸ਼ਾਮਲ ਹਨ। 
ਇਮੀਗ੍ਰੇਸ਼ਨ ਤੇ ਐਮੀਗ੍ਰੇਸ਼ਨ ਵਿਭਾਗ ਨੇ ਕਿਹਾ ਕਿ ਸ਼੍ਰੀਲੰਕਾ ਨਾਲ ਦੁਵੱਲੇ ਆਪਸੀ ਸਮਝੌਤੇ ਵਾਲੇ ਦੇਸ਼ਾਂ- ਜਿਵੇਂ ਸਿੰਗਾਪੁਰ, ਮਾਲਦੀਵ ਤੇ ਸੇਸ਼ੇਲਸ ਦੇ ਸਾਰੇ ਯਾਤਰੀਆਂ ਸਮੇਤ 40 ਦੇਸ਼ਾਂ ਦੇ ਨਾਗਰਿਕਾਂ ਲਈ ਆਗਮਨ ਤੋਂ ਪਹਿਲਾਂ ਇਲੈਕਟ੍ਰਾਨਿਕ ਯਾਤਰਾ ਮਨਜ਼ੂਰੀ (ਈ.ਟੀ.ਏ.) ਪ੍ਰਾਪਤ ਕਰਨਾ ਲਾਜ਼ਮੀ ਹੈ।
ਇਸ ਵਿਵਸਥਾ ਤਹਿਤ ਸੈਲਾਨੀਆਂ ਨੂੰ ਪਹਿਲੇ ਆਗਮਨ ਦੀ ਮਿਤੀ ਤੋਂ 2 ਵਾਰ ਐਂਟਰੀ ਦੀ ਸਹੂਲਤ ਦੇ ਨਾਲ 30 ਦਿਨਾਂ ਦਾ ਮੁਫ਼ਤ ਵੀਜ਼ਾ ਮਿਲੇਗਾ। ਸ਼੍ਰੀਲੰਕਾ ਆਉਣ ਵਾਲੇ ਵਿਦੇਸ਼ੀ ਸੈਲਾਨੀਆਂ ਲਈ ਭਾਰਤ ਅਜੇ ਵੀ ਸਭ ਤੋਂ ਵੱਡਾ ਸਰੋਤ ਬਾਜ਼ਾਰ ਬਣਿਆ ਹੋਇਆ ਹੈ। ਭਾਰਤ ਤੋਂ ਇਲਾਵਾ ਹੋਰਨਾਂ ਦੇਸ਼ਾਂ ਵਿਚ ਰੂਸ, ਬ੍ਰਿਟੇਨ, ਅਮਰੀਕਾ, ਜਰਮਨੀ, ਚੀਨ ਤੇ ਡੈੱਨਮਾਰਕ ਵੀ ਸ਼੍ਰੀਲੰਕਾ ਦੀ ਇਸ ਲਿਸਟ 'ਚ ਸ਼ਾਮਲ ਹਨ।