IPL 'ਚੋਂ ਪੰਜਾਬ ਦਾ ਨਾਂ ਹਟਾਉਣ ਦੀ ਸਲਾਹ 'ਤੇ ਭੜਕੇ ਅਰਸ਼ਦੀਪ ਸਿੰਘ

ਸਪੋਰਟਸ ਡੈਸਕ- ਪੰਜਾਬ ਕਿੰਗਜ਼ ਦੇ ਸਟਾਰ ਤੇਜ਼ ਗੇਂਦਬਾਜ਼ ਅਰਸ਼ਦੀਪ ਸਿੰਘ ਆਪਣੇ ਪ੍ਰਦਰਸ਼ਨ ਦੀ ਬਜਾਏ ਮੈਦਾਨ ਤੋਂ ਬਾਹਰ ਚੱਲ ਰਹੀਆਂ ਗਤੀਵਿਧੀਆਂ ਕਾਰਨ ਚਰਚਾ ਵਿੱਚ ਹਨ। ਕਦੇ ਉਹ ਆਪਣੀ ਗਰਲਫਰੈਂਡ ਨਾਲ ਸਪੋਟ ਹੋ ਰਹੇ ਹਨ ਤਾਂ ਕਦੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਪੋਸਟ ਕਰਨ ਕਰਕੇ ਅਰਸ਼ਦੀਪ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਹੁਣ ਪੰਜਾਬ ਦੀ ਮੁੰਬਈ ਹੱਥੋਂ ਹਾਰ ਤੋਂ ਬਾਅਦ ਇਕ ਫੈਨ ਵੱਲੋਂ ਆਈਪੀਐਲ ਟੀਮ ਨਾਲ 'ਪੰਜਾਬ' ਦਾ ਨਾਂ ਨਾ ਲਿਖਣ ਦੀ ਸਲਾਹ ਦੇਣ 'ਤੇ ਅਰਸ਼ਦੀਪ ਸਿੰਘ ਭੜਕੇ ਉੱਠੇ।

ਫੈਨ ਨਾਲ ਹੋਈ ਤਿੱਖੀ ਬਹਿਸ 

ਦਰਅਸਲ, ਇੱਕ ਫੈਨ ਨੇ ਸਨੈਪਚੈਟ 'ਤੇ ਅਰਸ਼ਦੀਪ ਨੂੰ ਲਿਖਿਆ ਸੀ ਕਿ 'ਆਈਪੀਐਲ ਟੀਮ ਨਾਲੋਂ ਪੰਜਾਬ ਦਾ ਨਾਂ ਹਟਾ ਲਓ, ਸਾਡੀ ਬੇਇੱਜ਼ਤੀ ਕਿਉਂ ਕਰਵਾ ਰਹੇ ਹੋ'। ਇਸ 'ਤੇ ਭੜਕਦੇ ਹੋਏ ਅਰਸ਼ਦੀਪ ਨੇ ਜਵਾਬ ਦਿੱਤਾ, 'ਤੁਸੀਂ ਪੰਜਾਬ ਲਈ ਇਹੋ ਜਿਹਾ ਕਿਹੜਾ ਤੀਰ ਮਾਰ ਲਿਆ, ਜੋ ਤੁਹਾਡੀ ਬੇਇੱਜ਼ਤੀ ਹੋ ਗਈ ਸਿੰਘ ਸਾਬ੍ਹ...!' ਕੋਲਡ ਡਰਿੰਕ ਅਤੇ ਚਿਪਸ ਖਾਣ ਲਈ ਘਰਦਿਆਂ ਤੋਂ ਪੈਸੇ ਮੰਗਣ ਵਾਲੇ ਵੀ ਹੁਣ ਸਾਨੂੰ ਸਲਾਹ ਦੇ ਰਹੇ ਹਨ ਕਿ ਨਾਮ ਰੱਖਣਾ ਹੈ ਜਾਂ ਨਹੀਂ"। ਇਸ ਗੱਲਬਾਤ ਦਾ ਸਕ੍ਰੀਨਸ਼ੌਟ ਵਾਇਰਲ ਹੋ ਰਿਹਾ ਹੈ।