ਖੁਰਾਕ ਮੌਜੂਦ ਹੋਣ ਦੇ ਬਾਵਜੂਦ ਪੋਸ਼ਣ ਸੰਕਟ ਗੰਭੀਰ

ਕਣਕ ਤੋਂ ਅੱਗੇ ਸੋਚੋ: ਪੋਸ਼ਣ ਸੁਰੱਖਿਆ ਵੱਲ ਨੀਤੀ ਬਦਲਣ ਦੀ ਅਪੀਲ
ਲਾਹੌਰ, 17 ਮਾਰਚ ਅਲੀ ਇਮਰਾਨ ਚੱਠਾ

Sustainable Development Policy Institute ਵੱਲੋਂ ਕਰਵਾਈ ਬੈਠਕ ਵਿੱਚ ਮਾਹਿਰਾਂ ਨੇ ਕਿਹਾ ਕਿ ਪਾਕਿਸਤਾਨ ਦੀ ਖੁਰਾਕ ਨੀਤੀ ਨੂੰ ਸਿਰਫ਼ ਗੰਹੂ ਤੱਕ ਸੀਮਿਤ ਰੱਖਣ ਦੀ ਬਜਾਏ ਪੋਸ਼ਣ ਸੁਰੱਖਿਆ ਵੱਲ ਮੋੜਨਾ ਲਾਜ਼ਮੀ ਹੈ।
ਬੈਠਕ ਵਿੱਚ United Nations ਅਤੇ ਇਸ ਦੀਆਂ ਸੰਸਥਾਵਾਂ Food and Agriculture Organization, UNICEF, World Food Programme, World Health Organization ਅਤੇ International Fund for Agricultural Development ਦਾ ਸਹਿਯੋਗ ਰਿਹਾ।
ਮਾਹਿਰਾਂ ਨੇ ਕਿਹਾ ਕਿ ਦੇਸ਼ ਵਿੱਚ ਅਨਾਜ, ਤੇਲ ਤੇ ਚੀਨੀ ਵੱਧ ਹਨ, ਪਰ ਫਲ ਅਤੇ ਸਬਜ਼ੀਆਂ ਦੀ ਘਾਟ ਹੈ। ਮਿੱਟੀ ਦੀ ਗਿਰਦੀ ਉਪਜਾਊ ਸ਼ਕਤੀ, ਖੇਤੀਬਾੜੀ ਜ਼ਮੀਨ ਦਾ ਘਟਣਾ ਅਤੇ 40 ਫ਼ੀਸਦੀ ਤੱਕ ਖੁਰਾਕ ਦੀ ਬਰਬਾਦੀ ਵੀ ਵੱਡੀ ਸਮੱਸਿਆ ਹੈ।
Dr Sajid Amin ਨੇ ਕਿਹਾ ਕਿ ਸੂਬਾਈ ਹਕੀਕਤਾਂ ਨੂੰ ਕੌਮੀ ਨੀਤੀ ਵਿੱਚ ਸ਼ਾਮਲ ਕਰਨਾ ਜ਼ਰੂਰੀ ਹੈ।
Sitara Gill ਮੁਤਾਬਕ 5 ਸਾਲ ਤੋਂ ਘੱਟ ਉਮਰ ਦੇ 40.2 ਫ਼ੀਸਦੀ ਬੱਚੇ ਠੀਕ ਤਰ੍ਹਾਂ ਵਿਕਸਿਤ ਨਹੀਂ ਹੋ ਰਹੇ। 43 ਫ਼ੀਸਦੀ ਮਹਿਲਾਵਾਂ ਖੂਨ ਦੀ ਕਮੀ ਦਾ ਸ਼ਿਕਾਰ ਹਨ।
Dr Babar Shahbaz ਨੇ ਕਿਹਾ ਕਿ ਪਾਕਿਸਤਾਨ “ਕੈਲੋਰੀ ਵੱਧ, ਪੋਸ਼ਣ ਘੱਟ” ਵਾਲੀ ਹਾਲਤ ਵਿੱਚ ਹੈ ਅਤੇ ਫਸਲਾਂ ਦੀ ਵਿਭਿੰਨਤਾ ਵਧਾਉਣ ਦੀ ਲੋੜ ਹੈ।
Dr Imran Khalid ਨੇ ਕਿਹਾ ਕਿ ਖੁਰਾਕ ਨੀਤੀ ਅਜੇ ਵੀ ਗੰਹੂ ਅਤੇ ਚੀਨੀ ’ਤੇ ਟਿਕੀ ਹੋਈ ਹੈ, ਜਿਸ ਵਿੱਚ ਸੁਧਾਰ ਲਾਜ਼ਮੀ ਹੈ।
ਮਾਹਿਰਾਂ ਨੇ ਸਿਫ਼ਾਰਸ਼ ਕੀਤੀ ਕਿ ਸਿਹਤਮੰਦ ਖੁਰਾਕ ਲਈ ਸਹਾਇਤਾ ਵਧਾਈ ਜਾਵੇ, ਬਾਜ਼ਾਰ ਪ੍ਰਣਾਲੀ ਸੁਧਾਰੀ ਜਾਵੇ ਅਤੇ ਪਾਣੀ ਤੇ ਮਿੱਟੀ ਦੀ ਸੰਭਾਲ ’ਤੇ ਧਿਆਨ ਦਿੱਤਾ ਜਾਵੇ।
ਅਖੀਰ ਵਿੱਚ Dr Shafqat Munir Ahmed ਨੇ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ “ਗੰਹੂ ਸੁਰੱਖਿਆ” ਤੋਂ ਅੱਗੇ ਵੱਧ ਕੇ “ਪੋਸ਼ਣ ਸੁਰੱਖਿਆ” ਨੂੰ ਤਰਜੀਹ ਦਿੱਤੀ ਜਾਵੇ।