ਪੰਜਾਬੀ ਫਿਲਮ ਇੰਡਸਟਰੀ ਸ਼ੋਕ ਵਿੱਚ, ਜਸਵਿੰਦਰ ਭੱਲਾ ਨਹੀਂ ਰਹੇ

ਪੰਜਾਬੀ ਸਿਨੇਮਾ ਵਿੱਚ ਸ਼ੋਕ: ਕਾਮੇਡੀਅਨ-ਅਦਾਕਾਰ ਜਸਵਿੰਦਰ ਭੱਲਾ 65 ਸਾਲ ਦੀ ਉਮਰ ਵਿੱਚ ਦੇਹਾਂਤ

ਮੋਹਾਲੀ, 23 ਅਗਸਤ ਨਜ਼ਰਾਨਾ ਟਾਈਮਜ਼ ਨੈੱਟਵਰਕ

ਪੰਜਾਬੀ ਫਿਲਮ ਇੰਡਸਟਰੀ ਅੱਜ ਵੱਡੇ ਦੁੱਖ ਵਿੱਚ ਹੈ ਕਿਉਂਕਿ ਮਸ਼ਹੂਰ ਕਾਮੇਡੀਅਨ ਅਤੇ ਅਦਾਕਾਰ ਡਾ. ਜਸਵਿੰਦਰ ਭੱਲਾ ਦਾ 65 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ। ਉਹ ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਵਿੱਚ ਲੰਬੀ ਬਿਮਾਰੀ ਤੋਂ ਬਾਅਦ ਅੰਤਿਮ ਸਾਹ ਲਏ।

4 ਮਈ 1960 ਨੂੰ ਲੁਧਿਆਣਾ ਦੇ ਦੋਰਾਹਾ ਵਿੱਚ ਜਨਮੇ ਭੱਲਾ ਨੇ ਆਪਣਾ ਕਰੀਅਰ 1988 ਵਿੱਚ 'ਛਣਕਾਟਾ 88' ਨਾਲ ਸ਼ੁਰੂ ਕੀਤਾ ਅਤੇ ਫਿਲਮ ਦੁੱਲਾ ਭੱਟੀ ਨਾਲ ਅਦਾਕਾਰੀ ਦੀ ਦੁਨੀਆ ਵਿੱਚ ਕਦਮ ਰੱਖਿਆ। 'ਕੈਰੀ ਆਨ ਜੱਟਾ, ਜਿੰਦ ਜਾਨ, ਬੈਂਡ ਬਾਜੇ, ਅਤੇ ਗੱਡੀ ਜਾਂਦੀ  ਐ ਛਲਾਂਗਾ ਮਾਰਦੀ' ਵਰਗੀਆਂ ਹਿੱਟ ਫਿਲਮਾਂ ਵਿੱਚ ਉਨ੍ਹਾਂ ਦੀ ਅਦਾਕਾਰੀ ਨੇ ਦਰਸ਼ਕਾਂ ਨੂੰ ਹਮੇਸ਼ਾ ਗੁਦਗੁਦਾਇਆ।

ਪੇਸ਼ੇ ਨਾਲ ਪ੍ਰੋਫੈਸਰ ਰਹੇ ਭੱਲਾ ਆਪਣੀ ਵਿਲੱਖਣ ਕਾਮੇਡੀ ਟਾਇਮਿੰਗ, ਹਾਸ-ਵਿਆਂਗ ਅਤੇ ਸਾਦਗੀ ਭਰੇ ਅੰਦਾਜ਼ ਲਈ ਪ੍ਰਸਿੱਧ ਸਨ। ਉਨ੍ਹਾਂ ਦੇ ਦੇਹਾਂਤ ਨਾਲ ਪੰਜਾਬੀ ਫਿਲਮ ਇੰਡਸਟਰੀ ਅਤੇ ਪ੍ਰਸ਼ੰਸਕਾਂ ਵਿੱਚ ਸ਼ੋਕ ਦੀ ਲਹਿਰ ਹੈ|