ਮਹਾਰਾਜਾ ਰਣਜੀਤ ਸਿੰਘ ਦੀ ਤੋਹਫ਼ਾ ਕੀਤੀ ਪਗੜੀ ਨੇ ਦੁਨੀਆ ਭਰ ਦਾ ਧਿਆਨ ਖਿੱਚਿਆ

ਅਲੀ ਇਮਰਾਨ ਚੱਠਾ ਲਾਹੌਰ (ਨਜ਼ਰਾਨਾ ਟਾਈਮਜ਼) 

ਸਿੱਖ ਰਾਜ ਦੇ ਪਹਿਲੇ ਸ਼ਾਸਕ ਮਹਾਰਾਜਾ ਰਣਜੀਤ ਸਿੰਘ ਵੱਲੋਂ ਤੋਹਫ਼ਾ ਕੀਤੀ ਇੱਕ ਨਾਇਾਬ ਉਨ ਦੀ ਪਗੜੀ ਲੰਡਨ ਵਿੱਚ ਹੋਈ ਬੋਨਹਮਜ਼ ਇਸਲਾਮਿਕ ਐਂਡ ਇੰਡੀਆਨ ਆਰਟ ਨਿਲਾਮੀ ਵਿੱਚ £165,500 ਵਿੱਚ ਵਿਕੀ।
ਇਹ ਪਗੜੀ 1808 ਵਿੱਚ ਬ੍ਰਿਟਿਸ਼ ਰਾਜਦੂਤ ਚਾਰਲਜ਼ ਥਿਓਫ਼ਿਲਸ ਮੈਟਕਾਲਫ਼ ਨੂੰ ਲਾਹੌਰ ਦੌਰੇ ਦੌਰਾਨ ਮਹਾਰਾਜਾ ਰਣਜੀਤ ਸਿੰਘ ਵੱਲੋਂ ਤੋਹਫ਼ੇ ਵਜੋਂ ਦਿੱਤੀ ਗਈ ਸੀ। ਇਹੀ ਦੌਰ ਅੰਮ੍ਰਿਤਸਰ ਸੰਧੀ (1809) ਦੇ ਗੱਲਬਾਤਾਂ ਦਾ ਸੀ, ਜਿਸ ਨੇ ਰਣਜੀਤ ਸਿੰਘ ਦੀ ਸੱਤਾ ਨੂੰ ਸਤਲੁਜ ਦਰਿਆ ਦੇ ਪੱਛਮ ਵੱਲ ਮੰਨਤਾ ਦਿੱਤੀ।
ਪਗੜੀ ਦੀ ਸ਼ੁਰੂਆਤੀ ਕੀਮਤ £20,000 ਅੰਦਾਜ਼ੀ ਲਗਾਈ ਗਈ ਸੀ, ਪਰ ਇਸ ਦੀ ਸ਼ਾਨਦਾਰ ਹਾਲਤ ਅਤੇ ਇਤਿਹਾਸਕ ਮਹੱਤਤਾ ਕਰਕੇ ਇਹ ਉਮੀਦ ਤੋਂ ਕਈ ਗੁਣਾ ਵਧ ਕੇ ਵਿਕੀ।
“ਸ਼ੇਰ-ਏ-ਪੰਜਾਬ” ਵਜੋਂ ਮਸ਼ਹੂਰ ਮਹਾਰਾਜਾ ਰਣਜੀਤ ਸਿੰਘ ਨੇ 1801 ਤੋਂ 1839 ਤੱਕ ਰਾਜ ਕੀਤਾ ਅਤੇ ਲਾਹੌਰ ਨੂੰ ਕਲਾ ਤੇ ਸ਼ਕਤੀ ਦਾ ਕੇਂਦਰ ਬਣਾਇਆ।
ਸਿੱਖ ਮਿਊਜ਼ੀਅਮ ਇਨੀਸ਼ੀਏਟਿਵ ਦੇ ਗੁਰਿੰਦਰ ਸਿੰਘ ਮਾਨ ਨੇ ਕਿਹਾ, “ਇਹ ਜਿਹੇ ਨੌਦਰਾਤ ਸਿਰਫ਼ ਇਤਿਹਾਸਕ ਵਸਤੂਆਂ ਨਹੀਂ—ਇਹ ਲਾਹੌਰ ਦੇ ਸਿੱਖ ਦਰਬਾਰ ਦੀ ਸ਼ਾਨ ਤੇ ਸਿਆਣਪ ਦਾ ਪ੍ਰਤੀਕ ਹਨ।”