ਨਨਕਾਣਾ ਸਾਹਿਬ ‘ਚ 5 ਨਵੰਬਰ ਨੂੰ ਮੁੱਖ ਸਮਾਰੋਹ, ਭਾਰਤ ਤੋਂ ਹਜ਼ਾਰਾਂ ਸਿੱਖ ਯਾਤਰੀ ਪਹੁੰਚਣਗੇ

ਅਲੀ ਇਮਰਾਨ ਚੱਠਾ ਲਾਹੌਰ (ਨਜ਼ਰਾਨਾ ਟਾਈਮਜ਼), 2 ਨਵੰਬਰ 2025:
 

ਇਵਾਕਿਊਈ ਟਰੱਸਟ ਪ੍ਰਾਪਰਟੀ ਬੋਰਡ (ETPB) ਅਤੇ ਫੈਡਰਲ ਮਿਨਿਸਟਰੀ ਆਫ ਰਿਲੀਜਸ ਅਫੇਅਰਜ਼ ਐਂਡ ਇੰਟਰਫੇਥ ਹਾਰਮਨੀ ਦੀ ਦੇਖ-ਰੇਖ ਹੇਠ ਪਾਕਿਸਤਾਨ ਨੇ ਬਾਬਾ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਦੇ 556ਵੇਂ ਗੁਰਪੁਰਬ ਦੀਆਂ ਸਾਰੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਹਨ।

ਨਾਸਿਰ ਮੁਸ਼ਤਾਕ, ਐਡੀਸ਼ਨਲ ਸੈਕਟਰੀ ਸ਼ਰਾਈਨਜ਼ ਨੇ ਦੱਸਿਆ ਕਿ ਰਹਿਣ-ਸਹਿਣ, ਲੰਗਰ, ਸਫਾਈ, ਤੰਦਰੁਸਤੀ ਅਤੇ ਆਵਾਜਾਈ ਸਮੇਤ ਸਾਰੇ ਪ੍ਰਬੰਧ ਮੁਕੰਮਲ ਹਨ। ਭਾਰਤ ਅਤੇ ਵਿਦੇਸ਼ਾਂ ਤੋਂ ਆਉਣ ਵਾਲੇ ਸਿੱਖ ਯਾਤਰੀਆਂ ਦਾ ਸਵਾਗਤ ਸਨਮਾਨ ਨਾਲ ਕੀਤਾ ਜਾਵੇਗਾ।

ਮੁੱਖ ਗੁਰਪੁਰਬ ਸਮਾਗਮ 5 ਨਵੰਬਰ ਨੂੰ ਨਨਕਾਣਾ ਸਾਹਿਬ ਦੇ ਗੁਰਦੁਆਰਾ ਜਨਮ ਅਸਥਾਨ ‘ਚ ਹੋਵੇਗਾ। ਸੁਰੱਖਿਆ ਲਈ ਰੇਂਜਰਜ਼, ਪੁਲਿਸ ਅਤੇ ਖਾਸ ਬਲਾਂ ਦੀ ਤਾਇਨਾਤੀ ਕੀਤੀ ਗਈ ਹੈ।